Македонските фудбалери кои настапуваат во Конференциската лига, Дарко Чурлинов, Дамјан Шишковски и Алекса Амановиќ, останаа без бодови во оваа рунда од натпреварувањето.
Дарко Чурлинов го одигра целиот натпревар за полската Јагелонија, која загуби на гостувањето кај чешкиот тим Млада Болеслав со 1-0. Единствениот гол на натпреварот го постигна Патрик Видра во 76-тата минута.
Дамјан Шишковски остана на клупата за резерви во поразот на Борац Бања Лука против ирскиот Шемрок роверс со убедливи 3-0. Головите ги постигнаа Кени, кој стрелаше двапати, и Фаруџија.
Во останатите натпревари од оваа рунда, Гент на домашен терен беше супериорен против ТСЦ со 3-0. Омонија славеше против Рапид Виена со 3-1, додека Пафос беше подобар од Целје со 2-0.
Виторија Гимараиш го совлада Сент Гален со 1-4, а Панатинаикос го победи велшкиот ТНС со 0-2.
Претходно, Алекса Амановиќ и неговата Астана немаа успех во натпреварот против Челзи, кој заврши со убедлив триумф (1-3) за англискиот тим.
