Јамајканскиот фудбалер Михаил Антонио (35) доживеа страшна сообраќајна несреќа во декември минатата година, по што му се предвидуваше крај на кариерата, но сега веќе се врати на фудбалскиот терен. Најтешките месеци од неговиот живот се зад Антонио, а тој излезе од оваа битка како победник бидејќи повторно игра фудбал.
Антонио играше за својата јамајканска репрезентација, која одигра натпревар од Голд купот против Гватемала и беше поразена со 1:0. Англискиот играч на Вест хем ја доби својата шанса да игра во последните пет минути од натпреварот, кога влезе од клупата за резерви.
Ова беа првите минути на Антонио на теренот од почетокот на декември, кога го удри своето „ферари“ вредно 300.000 евра во дрво во Епинг Форест. Фотографиите од смачканиот автомобил потоа го обиколија светот и малкумина веруваа дека некогаш повторно ќе го видиме Антонио како трча по топката на фудбалскиот терен, но тоа се случи.
̀ !
Le Jamaïcain de 35 ans a rejoué hier face au Guatemala en Gold Cup, pour la ̀ depuis son terrible crash en décembre 2024 ! ✨ pic.twitter.com/J23QXmI1sP
— BeFootball (@_BeFootball) June 17, 2025
Во едно претходно интервју, Антонио рече дека изгубил три дена од својот живот бидејќи тоа бил периодот во кој немал никаква меморија.
Лекарите му дијагностицираа фрактура на фемур на четири места. За време на комплицирана операција хирурзите имплантирале метална прачка и четири завртки за да ги држат скршените делови заедно. Првите прогнози беа обесхрабрувачки. Закрепнувањето требаше да трае од шест до дванаесет месеци, но Антонио играше фудбал само по шест месеци.
„Луѓето отсекогаш се сомневале во мене. Мојата ментална сила е нешто во кое отсекогаш сум верувал, а ова е само уште една пречка што нема да ме запре“, изјави Антонио.
Првиот хирург го советувал да не става никаква тежина на ногата три месеци, додека вториот специјалист препорачал постепено зголемување на тежината, а Јамајканецот го послушал вториот. Работејќи шест дена во неделата, тој постигна импресивен напредок во својата рехабилитација.
Процесот вклучуваше исцрпувачки тренинзи во сала за вежбање, зајакнување на нозете, а потоа и двонеделен рехабилитационен камп во Дубаи за да се забрза закрепнувањето и да се „ослободи умот“. Во мај, само пет месеци по несреќата, тој се врати на целосен тренинг со тимот, на изненадување на многумина.
Антонио сè уште е член на Вест хем и наскоро ќе ги започне подготовките за новата сезона во Премиер лигата со Чеканите.
