Англиската Премиерлига е врв во светскиот фудбал и приходите за клубовите по разни основи се убедливо најголеми, па 20 клуба што се прволигаши ќе поделат неверојатни 2.6 милјарди фунти.
Најмногу ќе заработи Манчестер сити, точно 164 милиони фунти, што е светски рекорд во клупскиот фудбал.
Најголемата заработка е од ТВ права и сите 20 клуба во Премиерлигата добиваат по 79 милиони фунти.
Втор на листата е Ливерпул со 162.3 милиони фунти, а во Топ-5 се и Челзи со 154.9 милиони фунти, Тотенхем со 155.1 милиони фунти и Арсенал со 154.3 милиони фунти.
Идентичен е и распоредот на табелата во Премиерлигата, пред стартот на последното коло што ќе се игра од 17 часот денеска.
Интересно е што на почетокот на Премиерлигата, која во овој формат се игра од 1992 година вкупната заработка на клубовите беше 35.2 милиони фунти.
