Премиерлигата ќе продолжи на почетокот на јуни, објави британски „Телеграф“ со напомена дека таа е реалната опција за која размислуваат челниците на најквалитетната англиска фудбалска лига.
Според „Телеграф“ поради ситуацијата со Коронавирусот нема шанси првенството во Англија да продолжи во мај, како што се најоптимистичките варијанти, откако веќе е јасно дека од фудбал на Островот ќе нема ништо во април.
Премиерлигата би требало да се одигра за месец и пол, ако почне на почетокот на јуни, а треба да се доиграат 9 кола, со тоа што некои прволигаши имаат и по 10 меча за доигрување.
Следната сезона би почнала на 8. август, па распоредот ќе биде згуснат, особено за екипите од Англија што останаа во игра за титулите во Лигата на шампионите и во Европа Лигата.
