Владата вчера навечер донесе нови рестриктивни мерки околу пандемијата со ковид-19. Од 16 август, присуство на спортски настани низ земјава ќе биде дозволено само со доказ за имунизација.
Задолжително ќе биде да се приложи сертификат за примена најмалку една доза вакцина против корона-вирусот, за љубителите на спортот да можат од трибини да ги следат спортските настани. Ова се однесува за лица постари од 18 години.
Овие мерки се воведоа откако изминативе денови бројот на новозаразени значително порасна, а вчера беа потврдени 378 нови случаи од кои повеќето се во Скопје и Тетово.
