Фенербахче на почетокот на септември се раздели со Жозе Мурињо бидејќи португалскиот стратег не успеа да ја внесе екипата во Лигата на шампионите, а на негово место го назначија поранешниот селектор на Белгија, Доменико Тедеско.
Сепак, сега и тој е пред отказ откако во средата загуби од Динамо Загреб со 2-1 во Лигата на Европа.
Тедеско ја водеше екипата на четири меча, успеа да го победи само Трабзонспор, а ремизира против Аланијаспор и Касимпаша.
Раководството на Фенербахче не е задоволно како тој ја води екипата и смета дека не е вистинското решение за клубот, а посебен проблем се ротациите на природните позиции на фудбалерите.
Последната шанса за да се спаси Тедеско е мечот од турското првенство против Анталијаспор. Со евентуален неуспех, тој со сигурност ќе биде „поранешен“ крај Босфорот.
