Претстојниот викенд ширум Европа има неколку дерби-мечеви и тие се главниот предизвик за учесниците во 21-вото коло на најпопуларната бесплатна игра во Македонија, Спортската прогноза на Sport Life.
Во текот на викендот ни претстојат возбудливи натпревари, меѓу кои Борусија Дортмунд – Баерн Минхен, Арсенал – Челзи, Бетис – Севиља и Рома – Јувентус. Досегашните прогнози покажуваат дека фаворити за повеќето прогонозери се Баерн Минхен, Арсенал и Бетис.
Типувањето е отворено и ќе трае до сабота во 14:00 часот, кога започнува првиот од 13-те натпревари од основната понуда.
Прогнозерот кој ќе има 13 погодени натпревари на подарок ќе добие iPhone 16. За 12 погодени меча следува вредносен ваучер од 1.000 денари во Sport Life, додека 11-ката носи ваучер од 500 денари. Најдобриот во генералниот пласман ќе добие подарок смарт телевизор самсунг 55“.
