Жоан Лапорта е еден од кандидатите за нов претседател на Барселона. Каталонците доминираа во Европа во периодот кога Лапорта беше на функцијата во својот прв мандат, а откако Бартомеу си замина, сега повторно сака да му помогне на клубот да го врати на славните патеки.
Откако Лапорта ја потврди кандидатурата, почна со својата кампања „Сакам повторно да те видам“, а воедно го испровоцира големиот ривал на Барселона, Реал Мадрид. Банер со ликот на Лапорта се појави во Мадрид, во непосредна близина на „Сантијаго Бернабеу“.
