Судијата Крис Каванаг ќе биде главна тема после завршувањето на мечот на Арсенал и Брајтон на кој двата тима постигнаа по еден гол и освоија по еден бод, и со по 7 бодови го делат врвот во моментов во Премиер лигата, пред репрезентативната пауза.
Каи Хаверц даде убав гол со лоб за 1-0, и стана втор стрелец меѓу Германците во историјата на Премиер лигата. Хаверц има 33 голови, еден повеќе од Месут Озил. Најдобар е Илкај Гундоган со 44.
Клучен момент по кој Арсенал веќе не беше истиот тим, се случи во 49-та минута кога Деклан Рајс го заработи првото исклучување во 245-тиот лигашки меч во кариерата. Брајтон со човек повеќе на терен успеа да израмни и да освои голем бод, а испуштија прилика првпат во клупската историја да тргнат со 9 бода од првите три кола.
Ова е голот на Хаверц:
