Главната ѕвезда Кристијано Роналдо и новиот тренер Маурицио Сари, го имаа својот прв јавен конфликт во Јувентус. Три минути откако даде гол за водство на Јуве од 2-1 во пријателскиот меч со Тотенхем, Португалецот беше повлечен од игра и тоа не му се допадна.
Роналдо не сака да го менуваат дури ни на вакви натпревари, а и како да имаше претчувство дека нешто лошо ќе се случи по неговото излегување. Јуве во финишот прими два гола и загуби од Тотенхем.
Додека излегуваше, Роналдо не беше среќен, разговараа кратко со тренерот, но изразот на лицето покажуваше дека е лут. Додуша Сари прв му кажа нешто на Роналдо, па Португалецот одговори, на што тренерот само слегна со рамењата. Веројатно недоразбирањата брзо беа надминати и Сари ќе ја прими пораката дека Кристијано не сака да го вадат од игра, дури ни на контролни мечеви.
https://twitter.com/i/status/1152968831410823169
