Галатасарај и Манчестер јунајтед одиграа фантастичен меч во Истанбул, кој на крајот заврши 3:3. Гостите имаа водство од 2:0, а потоа и од 3:1, но Галатасарај не се предаде и стигна до 3:3.
Два момента кои може да се одбележат и како клучни беа многу спорни. Првата ситуација е кога Галатасарај даде гол за 1:2 преку Хаким Зијех од слободен удар. При изведувањето на слободниот удар, покрај „живиот ѕид“ на гостите, стоеше и Мауро Икарди, кој го маркираше голманот Андре Онана.
Во моментот кога Зијех шутираше и погоди, Икарди бил одалечен само 61 сантиметар од „живиот ѕид“ на гостите, што е кршење на правилата.
🚨🚨| According to BEIN Sports, Galatasaray’s first goal should not have counted because the distance between the wall and the Hakim Ziyech was not long enough. The legal distance must be a full meter. pic.twitter.com/3P9TxYuoBL
— CentreGoals. (@centregoals) November 29, 2023
Според правилата на ФИФА, играчот кој е во напад мора да биде одалечен од „живиот ѕид“ на тимот кој се брани најмалку еден метар.
„Ако кога се изведува слободен удар, играчот кој е од напаѓачката екипа е одалечен на помалку од еден метар од живиот ѕид, судијата треба да досуди индиректен удар“, стои во фудбалските правила на ИФАБ.
Hakim Ziyech. Super free kick goal
Galatasaray 1-2 Manchester Unitedpic.twitter.com/dVcRtoCICq
— FootColic ⚽️ (@FootColic) November 29, 2023
Доколку овој погодок на Зијех беше поништен, Манчестер во тој момент уште ќе имаше предност од 2:0.
Втората спорна ситуација исто така беше во првото полувреме. При резултат 1:2, Мауро Икарди излезе сам пред Онана и успеа да постигне гол, но тој беше поништен поради офсајд. ВАР-системот покажа дека Икарди бил офсајд неколку сантиметри, и тоа со рамото.
