Навивач на Лидс јунајтед по име Џејми на своето лево рамо си ставил тетоважа на која пишува „Лидс шампиони 2019“, мислејќи дека екипата на Марсело Бјелса оваа сезона ќе обезбеди пласман во англиската елита, односно Премиер лигата.
Тетоважата ја направил уште пред разигрувањата во Шампионат лигата, а неговата екипа маестрално потфрли. Лидс вчера загуби во реваншот против Дерби каунти и остана без шанси да се надигрува со најдобрите од Англија, додека избраниците на Френк Лампард во финалето на „Вембли“ ќе играат против Астон вила.
Но, оваа тетоважа не е најголемата глупост на Џејми. Тој направил ваков потег и минатото лето во текот на Светското првенство кое се одржа во Русија. Англија стигна до полуфиналето на Мундијалот, каде што загуби од Хрватска во битката за пласман во големото финале. Сепак, Џејми бил толку сигурен дека Гордиот Албион речиси по пет децении, конечно ќе биде светски шампион, па во делот на абдоменот истетовирал „Англија светски шампион 2018“.
Нема сомнежи дека е малер на годината…
https://streamable.com/99pgi
