Првото „Дерби на Италија“ за сезоната 2025/26 меѓу Јувентус и Интер ќе се одигра на 13 септември (сабота) на „Алијанц стадион“ со почеток во 18 часот. Ова стана јасно откако Серија А ја објави точната програма за првите три кола од новата сезона.
Актуелниот шампион Наполи ќе ја започне одбраната на титулата против новајлија, а почетокот на сезоната ќе понуди и неколку големи дерби мечеви.
⚽️🇮🇹Serie A, orari:
— Daniele Mari (@marifcinter) June 19, 2025
INTER-Torino lunedì 25 agosto ore 20:45
INTER-Udinese domenica 31 agosto ore 20:45
Juventus-INTER sabato 13 settembre ore 18:00
Ecco tutte le partite e tutti gli orari delle prime 3 giornate della Serie A 2025/2026 pic.twitter.com/PjSy2q0ssE
Новата сезона во италијанската елита ќе биде отворена на 23 август (сабота) со два натпревари што ќе започнат во исто време. Станува збор за дуелите Џенова – Лече и Сасуоло – Наполи. Во истиот ден ќе се одиграат и натпреварите Милан – Кремонезе и Рома – Болоња.
Јувентус ќе ја започне сезоната на 24 август со домашен натпревар против Парма, додека Интер ќе го одигра својот прв натпревар на 25 август, кога на „Џузепе Меаца“ ќе го пречека Торино.
