Пари Сен Жермен веќе ја заврши работата во домашното првенство. Десет кола пред крајот на сезоната, тимот од „Паркот на принцовите“ и официјално е новиот-стар шампион на Франција.
Во 28-то коло од Лига 1, ПСЖ минимално го совлада Анже со 1-0, триумф кој беше доволен за да ја обезбеди титулата благодарение на недостижната предност пред Монако.
Херој на натпреварот беше младиот Дезире Дуе, кој во 55-та минута по мајсторска асистенција од Кварацхелија го постигна единствениот гол — вреден за рекордна 13-та титула во историјата на клубот.
Она што ја прави титулата уште поимпресивна е фактот дека ПСЖ е непоразен во сите 28 одиграни кола, со биланс од 23 победи и само пет ремија. До крајот на сезоната, тимот на Луис Енрике ќе има шанса да влезе во историјата со нови рекорди во францускиот фудбал.
