Пари Сен Жермен го победи Манчестер сити во можеби клучиот меч за место кое води во нокаут фазата во Лигата на шампиони. Дуелот меѓу францускиот и англискиот првак беше „да се биде или не“, за двата тима, а на крајот Светците се радуваа со 4:2.
По првото полувреме немаше голови, а потоа се случи фуриозен втор дел. Сити тргна многу подобро и со головите на Грилиш и Халанд поведоа со 2:0. Сепак, само неколку минти подоцна ПСЖ израмни благодарение на погодоците на Дембеле и Баркола. Овие четири погодоци може да ги видите ТУКА.
Во продолжение на дуелот Невес направи целосен пресврт кога погоди со глава за 3:2 во 78 минута. Ова беше и клучен погодок за ПСЖ да стигне до победата и може да го видите ТУКА. Во судиското надополнување, Гонзало Рамош погоди за 4:2 во 90+3 минута.
Реал Мадрид одигра моќно на „Сантијаго Бернабеу“ и победи со убедливи 5:1 против Салцбург. Со оваа победа Кралскиот клуб си обезбедува место меѓу најдобрите 24, но теоретски има шанса да се бори и за Топ 8 на крајот, па директно да обезбеди место во осминафиналето.
Интер даде еден гол на гостувањето кај Спарта Прага и тоа беше доволно да победи и освои три бода. Само еден гол им беше доволен и на Милан за да слави над Жирона, како и на Селтик во победата над Јанг Бојс.
Феенорд го направи најголемото изненадување откако со убедливи 3:0 го победи Баерн Минхен, а си ист резултат се радуваше и Арсенал во Лондон против Динамо Загреб.
Од денешните девет меча во ЛШ, домашните екипи се радуваа на осум, а само Интер победи на гости.
