Ливерпул игра катастрофална сезона и веќе има девет порази оваа сезона, од кои шест се во Премиер лигата. Поразот од 1-4 на домашен терен од ПСВ значеше и итен состанок на раководството на клубот со холандскиот тренер, Арне Слот, чие столче сериозно се тресе, но сè уште ја има довербата на челниците на клубот од Енфилд.
Слот на состанокот ја добил довербата, но добил и ултиматум – девет бода од следните три првенствени меча или отказ. Ливерпул викендов игра на гости кај Вест хем, па во среда го пречекува Сандерленд, а следниот викенд гостува кај Лидс.
🚨 Arne Slot told next three games are crucial to Liverpool future and failure to claim nine points could leave FSG with no choice
Do you think he’ll still be in his job by Christmas? 🤔https://t.co/bEAuCykxMo #LFC #slotout
— TEAMtalk (@TEAMtalk) November 27, 2025
Во меѓувреме, раководството на Ливерпул веќе остварило контакт со Јирген Клоп и му понудило да се врати во клубот како привремено решение, без да презема долгорочна обврска. Сепак, најверојатно следувало одбивање и препорака за иден тренер да го ангажираат селекторот на Германија, Јулијан Нагелсман.
