Капитенот на Реал Мадрид, Серхио Рамос може да се најде во неочекуван проблем. На дуелот против Ајакс, Рамос доби жолт картон во 89 минута, откако го фаулираше Каспер Долберт. Поради тој жолт картон, Рамос ќе го пропушти реваншот против холандскиот тим, но тоа се очекува да не биде голем проблем, бидејќи Реал славеше со 2:1 во Амстердам и на свој терен не би требало да ја прокоцка таа позитива.
Веднаш по синоќешниот дуел, Рамос призна дека намерно сакал да добие жолт картон и да не игра на реваншот, но на тој начин ќе биде „чист“ за следните мечеви во четвртфиналето од Лигата на шампиони.
„Имајќи го во предвид конечниот резултат, ќе излажам ако кажам дека не форсирав да добијам жолт картон“, изјави Рамос веднаш по мечот.
🚨🚨🚨¡¡OJO!! ¿HA FORZADO LA TARJETA @SergioRamos?
"Sí, la verdad que viendo el resultado… Es algo que tenía presente. No es subestimar al rival pero a veces toca tomar decisiones y lo he decidido así".
¡TODOS a #ChiringuitoMadrid YA! pic.twitter.com/UJvig1yYSC
— El Chiringuito TV (@elchiringuitotv) February 13, 2019
Според правилата на УЕФА, играчот кој намерно добил жолт картон за да може да паузира на следниот меч, ќе добие суспензија од две средби. Тоа е казната која сега треба да ја добие Рамос, кој самиот призна дека намерно добил жолт картон.
Откако сфати дека направил лошо со тоа што призна дека инсистирал да добие жолт картон, Рамос реши на социјалните мрежи да се „извади“ за киксот кој го направи.
„Потенцирам дека навистина ми е жал бидејќи нема да можам да играм на реваншот против Ајакс. Не сакав намерно така да се случи. Сега ќе го бодрам Реал Мадрид од трибините како навивач и се надевам дека ќе стигнеме до четвртфиналето“, подоцна напиша Рамос.
Ова не е прв пат Рамос да калкулира и намерно да добива жолт картон, за да не игра на следниот меч. Истото го има направено во 2010 и 2013 година, кога се „исчисти“ од картоните, за да може без проблем да игра во следната фаза од Лигата на шампиони.
Quiero dejar claro que me duele más que a nadie, que no he forzado la tarjeta, como tampoco lo hice contra la Roma en mi anterior partido de @ChampionsLeague, y que apoyaré desde la grada como un hincha más con la ilusión de poder estar en cuartos.#HalaMadrid https://t.co/zL0Heok5Vp
— Sergio Ramos (@SergioRamos) February 13, 2019
