Тотенхем го претрпе и петтиот пораз по ред во Премиер лигата, трети под водство на менаџерот Игор Тудор, и сега ситуацијата во клубот е критична, и постарите ги потсетува на сезоната во која последен пат испаднаа од елитното англиско друштво.
После вечерашните 1-3 против Кристал Палас, Тотенхем е 16-ти, со само еден бод повеќе од 18-тиот Вест Хем. Речиси е сигурно дека ќе испаднат Вулверхемптон и Барнли, но ќе има голема битка за избегнување на судбината да се биде третиот тим што ќе се пресели во Чемпионшип.
Атмосферата е многу лоша, публиката не верува во тимот, дел од публиката уште на полувреме почна да си оди, а крај трибините беа речиси празни, додека фановите на Палас пееја песни со кои се шегуваа со противникот.
