Фудбалерите на Ливерпул пропуштија голема шанса да останат осамени на врвот од Премиер лигата и одиграа само 2-2 на гостувањето кај Манчестер јунајтед. Црвените од „Енфилд“ имаа комплетна доминација во првото полувреме, имаа водство од 0-1, кое според играта и шансите требаше да биде и повисоко, а домашните фудбалери во првите 45 минути не упатија ниту еден удар кон противничкиот гол.
Во второто полувреме, Манчестер јунајтед ги искористи грешките на Ливерпул и направи пресврт, па Мохамед Салах од пенал спасуваше бод за гостите. Капитенот на Ливерпул, Вирџил ван Дајк, беше разочаран од резултатот и не пропушти да ги искритикува своите соиграчи за грешките.
„Очигледно ова повторно е по наша вина. Моравме да водиме со 2-0 на полувремето. Имавме се под контрола и навистина е штета. Се чувствувам како сме загубиле. Промашивме многу шанси и ги вративме во живот. Индивидуалните грешки се дел од играта, но имавме доволно време да ги исправиме“, рече Ван Дајк.
https://twitter.com/SkySportsNews/status/1777017178325217339?ref_src=twsrc%5Etfw%7Ctwcamp%5Etweetembed%7Ctwterm%5E1777017178325217339%7Ctwgr%5Eaa8da6005c87ebd763384807ed15c4e69a45637b%7Ctwcon%5Es1_c10&ref_url=https%3A%2F%2Fsportsport.ba%2Ffudbal%2Fvan-dijk-liverpool-manchester-united-izjava%2F472235
