Македонскиот прволигаш Тиквеш се огласи со соопштение по денешниот прекинат натпревар против Вардар, при резултат (0-1) во 97-та минута. Мечот имаше предвремен крај откако на домашните им беше поништен гол, а публиката и играчите жестоко реагираа и со тврди предмети го погодија во глава асистентот Гоце Петрески.
По ова, главниот судија Александар Ставрев го прекина натпреварот.
Клубот Тиквеш смета дека помошниот судија симулирал дека е удрен со тврд предмет во глава и дека всушност драстично го оштетил кавадаречкиот тим со поништен гол, со оглед дека нема офсајд ситуација за напаѓачот на домашниот тим.
