По пауза од речиси еден месец, во редовите на Реал Мадрид се враќа Карим Бензема. Францускиот напаѓач закрепна по повредата и треба да е во стартниот состав за утрешниот меч против Шахтар Донецк во групната фаза од Лигата на шампионите.
Бензема нема играно од 8 ноември и неговото враќање е повеќе од потребно, посебно ако се знае дека на последниот меч против Алавес повторно се повреди Еден Азар. Белгискиот репрезентативец нема да игра против Шахтар, но тоа и не треба да е некој поголем проблем за Реал затоа што Азар откако дојде во Реал пред една и пол година, повеќе е повреден и паузира отколку што е на теренот.
📋✅ Our 21-man squad for the match against @FCShakhtar_eng!#RMUCL| #HalaMadrid pic.twitter.com/lLwU36p43h
— Real Madrid C.F. 🇬🇧🇺🇸 (@realmadriden) November 29, 2020
Реал на свој терен загуби од Шахтар во првото коло од ЛШ, но потоа собра седум бода од следните три меча и сега е во поволна ситуација за влез во нокаут-фазата. Сепак, за да не ги закомплицира работите, Реал нема да смее да загуби на утрешното гостување во Украина.
👔✈️🔛 @ChampionsLeague mode: ACTIVATED@HUGOBOSS | #BOSSsports | #ChampionsWearBOSS pic.twitter.com/12dvmaEiC7
— Real Madrid C.F. 🇬🇧🇺🇸 (@realmadriden) November 30, 2020
