Реал Мадрид ја продолжи серијата без пораз во Ла Лига и со 3:1 ја победи Севилја за зацврстување на врвот на табелата.
Кралскиот клуб има 10 победи и само едно реми и е лидер на табелата во шпанското првенство каде ја брани титулата.
Најтрофејниот шпански клуб сепак не дојде лесно до бодовите против Севилја, екипа која имаше бод в џеб до 79. минута кога беше 1:1 на „Сантијаго Бернабеу“.
Лука Модриќ со првиот гол сезонава во Ла Лига му донесе предност на Реал,а израмни Ламела во 54. минута.
Клучен момент беа замените што ги направи Карло Анчелоти, а токму резервата Лукас Васкес погоди за 2:1 во 79. минута.
Потоа гол даде и Феде Валверде за десетта победа на Реал во новото првенство на Шпанија.
