Реал Мадрид ја активира откупната клаузула на младиот дефанзивец од Борнмут, Дин Хујсен, а двата клуба веќе ги договорија и сите услови. Кралевите ќе му платат на премиерлигашот 58 милиони евра на три рати до крајот на 2026 година.
Агентите на фудбалерот веќе се во Мадрид и се очекува наскоро и официјално да го потврдат трансферот на нивниот клиент.
Одбраната беше најголемиот проблем на Kралевите оваа сезона, па раководството на клубот веднаш тргнува по потписот на уште еден дефанзивец, Алваро Каерас од Бенфика. Се очекува висината на овој трансфер да изнесува 30 милиони евра.
