Реал Мадрид во летниот трансфер-период ќе го комплетира најскапиот трансфер во историјата на клубот и во своите редови ќе го доведе Џад Белингам. Големиот англиски талент веќе три сезони игра во Борусија Дортмунд и само на 19 години го привлече вниманието на многу европски гиганти, но Реал Мадрид е изборот на тинејџерот.
Според договорот, Реал ќе треба да исплати 120 милиони евра за трансфер на англискиот репрезентативец и парите треба да бидат дадени во неколку рати. Доколку бидат исплатени 120 милиони евра, Белингам ќе го надмине трансферот на Еден Азар, за кого мадридскиот гигант плати 115 милиони евра кога го купи од Челзи.
Белингам во Реал треба да добива 13 милиони евра бруто-плата по сезона. Овој талентиран фудбалер, заедно со Камавинга и Чуамени, треба да бидат наследници на Модриќ, Крос и Каземиро. Иако уште нема ни 20 години, Белингам има стекнато големо искуство и во профи фудбалот веќе има одиграно над 130 меча, во кои пистигнал 21 гол, а има и 25 асистенции.
Real Madrid have an agreement with Jude Bellingham and only finalizing the deal with Dortmund remain, according to @marca. pic.twitter.com/UXifhsxtqi
— VBET News (@VBETnews) May 4, 2023
