Хулијан Алварес, или попознат како аргентинското чудо од дете, го сврте вниманието со своите партии во дресот на Ривер плејт.
Алварес е на радарот на голем број европски великани, меѓу кои и Реал Мадрид.
На досегашните 16 натпревари во аргентинската лига, тој има 15 голови, што е навистина голем подвиг ако се знае дека таа лига важи за една од најтешките и најизрамнетите во Јужна Америка, па и светот.
Интересно е што Алварес, кој има 21 година, своевремено бил на проба во Реал Мадрид, но тамошните скаути одлучиле дека не е добар.
Се споменува цифра од околу 30 милиони евра за играчот кој се наведува дека во наредните години ќе го замени маестралниот Карим Бензема.
