Реал Мадрид гостува кај тимот кој стана шампион без ниту еден пораз
Кралскиот клуб вечерва го игра првиот подготвителен меч во пресрет на новата сезона
Реал Мадрид вечерва ја започнува новата сезона. Кралскиот клуб го игра првиот подготвителен меч и тоа во Глазгов против Ренџерс. Шкотскиот гигант по пауза од 10 години стигна до титулата во домашното првенство и тоа на доминантен начин, без ниту еден пораз.
Сепак, вистинската сила на Ренџерс треба да се види токму во дуел со еден ваков ривал како што е Реал. Мадриѓани на овој меч ќе бидат без најдобриот стрелец Карим Бензема, кој е заразен со Коронавирусот, а ќе отсуствуваат и неколку други ѕвезди, како што се Давид Алаба, повратникот во тимот Герет Бејл, како и искусните Лука Модриќ, Тони Крос…
Ова ќе биде и прв меч за новиот тренер на Реал, Карло Анчелоти. Легендарниот италијански стратег беше во Реал во периодот од 2013 до 2015 година кога стана и европски и светски првак, а сега целта повторно е иста, да се освојуваат трофеи.
📋✅ Our squad for the match 🆚 @RangersFC! pic.twitter.com/G6kNmn06BH
— Real Madrid C.F. 🇬🇧🇺🇸 (@realmadriden) July 25, 2021
Освен мечот во Глазгов, денеска се играат уште неколку интересни контролни дуели во кои ќе се сретнат: Рома – Дебрецен, Бенфика – Олимпик Марсеј и Спортинг Лисабон – Олимпик Лион.
