Ливерпул напаѓа, но не успеа да ја затресе мрежата на голот на Реал Мадрид по првите 45 минути на дуелот на „Енфилд роуд“. Реал има предност од 3:1 по првиот меч во Мадрид и сега на Кралевите им остануваат уште едно добро полувреме за да бидат во полуфиналето од Лигата на шампионите.
Англискиот гигант имаше неколку добри шанси, а најсериозна беше таа на Мохамед Салах во втората минута, кога одбрани Куртоа. Ливерпул уште верува дека може да го повтори подвигот од пред две години, кога домаќините бркаа 0:3 против Барселона и на крајот славеа со 4:0. Сепак, засега Реал Мадрид одлично ја брани предноста од првата средба.
Во вториот вечерашен меч, Борусија Дортмунд со голот на тинејџерот Џуд Белингем води со 1:0 против Манчестер сити. Ако се знае дека Граѓаните првиот дуел го добија со 2:1, моментниот резултат е 2:2, но Милионерите од Дортмунд се во предност поради погодокот даден на туѓ терен.