Реал Мадрид ќе се обиде да го ангажира Пауло Дибала во следниот преоден рок, најавува италијанскиот специјализиран фудбалски портал „Калчомеркато“. Според шпекулацијата, Реал за Аргентинецот е подготвен на Јуве да му ги понуди Винисиус и Иско.
Бразилецот е млад и има висока цена, повремено знае да блесне, но реализацијата му е слаба страна, а според снимката која се појави од полувремето на мечот Борусија Менхенгладбах – Реал Мадрид, не е баш омилен кај француските соиграчи. Карим Бензема бараше топката да не му се додава на Вини бидејќи играл „против Реал“. И самиот Бензема во второто полувреме немаше ниедно додавање кон Бразилецот. Иско е во многу лоша форма и за него нема место во формацијата 4-3-3 на Зидан.
Дибала не може да се наметне во Јуве како лидер, дури и кога Кристијано Роналдо не е на терен, па Јуве за него би прифатил некоја добра понуда. Интерес за него има и од Челзи, но понудата на Реал е подобра.
