Тимот на Реал Мадрид за деца до 9-годишна возраст се најде во центарот на вниманието поради резултатот од последниот дуел. Децата на Реал во дуелот против САД Вилјаверде Сан Андрес победија со неверојатни 31:0, во меч кој трае 40 минути. Поразената екипа беше револтирана од односот на домаќините и упати соопштение.
„Ја изразуваме нашата огорченост поради ваквите ситуации во младинскиот фудбал. Прво, големите клубови треба да користат стратегија како би ги избегнале овие понижувачки резултати, а како второ, Шпанскиот фудбалски сојуз треба да направи реконструкција на фудбалот во младинските категории“, стои во соопштението од тимот на САД Вилјаверде Сан Андрес.
Mostramos nuestra indignación a este tipo de situaciones en el Fútbol Formativo, por un lado los clubes grandes deberían utilizar estrategias deportivas para evitar estas goleadas, y por otro lado desde la Federación hace falta una reestructuración de estas categorías. #animoboti pic.twitter.com/3oqbDDCXgC
— SAD Villaverde (@SADvillaverde) December 12, 2020
Фудбалот во младинските категории во Шпанија секогаш бил насочен кон учење и развивање на вештината, па затоа и нè чуди овој начин на реакција од поразениот тим.
Во знак на почит кон ривалот, Реал Мадрид реши да не го објави резултатот на својата официјална страна, но штетата веќе е направена и Кралскиот клуб сега трпи критики поради овој неспортски однос.
