Партизан со пораз на свој терен го заврши настапот во Евролигата за оваа сезона. Црно-белите во преполната „Штарк арена“ загубија од Реал Мадрид со 89:91. Гостите од Мадрид до победата стигнаа со кошот на Тавареш постигнат со звукот на сирената. Партизан испушти предност од девет поени на две и пол минути до крајот.
Пред почетокот на дуелот во „Штарк арената“, на Партизан му беше доделено признание дека тоа е тимот кој ги има најгласните навивачи во Евролигата оваа сезона. Фановите на Партизан веќе неколку години по ред се најдобри во елитното натпреварување. Ова признание како да им даде дополнителен мотив за домашните играчи.
Реал Мадрид добро го отвори мечот и водеше речиси во текот на целата прва четвртина, но Партизан со низа од 8:2 дојде до 24:22 по првите 10 минути игра. Двата тима се менуваа во водство во втората четвртина, а во средината од третата четвртина првпат еден тим стигна до двоцифрена предност (Партизан водеше со 71:61).
Потоа домашните водеа и со 77:67, а на неполни три минути до крајот Партизан водеше и со 85:76. Потоа до израз дојде искуството на Реал, па на 40 секунди до крајот резултатот беше израмнет 87:87. Во завршницата Партизан ја загуби топката, а искусниот Серхио Љуљ постигна кош на 6,5 секунди до крајот за 89:87. Потоа Карлик Џонс погоди за 89:89 на две секунди до крајот.
Еди Тавареш со звукот на сирената погоди за победа на Реал Мадрид од 91:89.
OMG🤯
Balsa Koprivica with a HUGE SLAM#MotorolaMagicMoments I @Moto pic.twitter.com/iYQBCJD2uZ
— Turkish Airlines EuroLeague (@EuroLeague) April 10, 2025
Резултати на денешните мечеви: Баерн – Фенербахче 77:89, Асвел – Монако 78:83, Олимпијакос – Макаби Тел Авив 99:93, Милано – Басконија 111:89, Партизан – Реал Мадрид 89:91, Париз – Алба 72:63.
