Селекторот на македонската А репрезентација, Благоја Милевски, по првиот тренинг се соочи со непланирани проблеми поради повреди на двајца фудбалери.
Милан Ристовски и Лирим Ќамили нема да бидат во составот на македонската репрезентација за претстојните натпревари против Лихтенштајн и Велс.
Како замена, селекторот дополнително го повика Давид Тошевски од Австрија Клагенфурт.
Настапот на Стефан Ашковски останува неизвесен поради повреда на зглобот, а неговата состојба дополнително ќе биде проценета од медицинскиот тим.
