Барселона со пресврт загуби од Атлетико Мадрид со 1-2, но го загуби и првото место на табелата во Ла Лига. Роберт Левандовски веќе трет меч не успева да се запише во листата со стрелците, откако претходно не погоди и против Леганес и Борусија Дортмунд.
„Мислам дека имаше неколку фактори за поразот. Направивме грешки кои Атлетико ги казни во контанапад. Играме добар фудбал, имаме шанси, но не ги искористуваме. Последните три седмици ни недостигаше самодоверба и смиреност во решавачките моменти. Оваа полусезона е добра лекција за нас. Понекогаш, ако не можете да победите, не треба да го загубите натпреварот, а тоа нас ни се случува неколку пати оваа година. Мислам дека во новата година ќе се вратиме посилни и ќе играме уште подобар фудбал. Сите во екипата се лути, бидејќи во првото полувреме одигравме одлично. И во вториот дел бевме добри, но поради нашите грешки Атлетико успеа да создаде шанси и да нѐ победи.“ – рече Левандовски после поразот од „јорганџиите“.
