Швајцарскиот фудбалер со потекло од Гана, Квадво Дуа, денешниот ден ќе го памети до крајот на животот.
Овој 27-годишник роден во Лондон, а член на бугарски Лудогорец, постигна гол за водство на Швајцарија над Унгарија од 1-0 на мечот од ЕП 2024 во Келн. Во прв момент судијата му го поништи голот, но по гледање на снимката, ВАР технологијата потврди дека голот е регуларен.
За стрелецот Дуа ова е само втор меч за Швајцарија, дебито во репрезентацијата го имаше пред 11 дена.
