Добитникот на годинешната „Златна топка“, Шпанецот Родри, откри дека не добил честитка од ниту еден од фудбалерите кои пред него го освојуваа ова признание во изминатите години.
На прашањето кој му честитал за освојувањето на наградата, фудбалерот на Манчестер сити беше прашан за тоа што како го прифаќа фактот што второпласираниот Винисиус не му честиташе.
„Чекајте да проверам во телефонот. Не, немам пораки со честитка од ниту еден од претходните добитници на Златната топка. Ниту Роналдо, ниту Меси, ниту Бензема, ниту Модриќ“, рече Родри, кој додаде дека би сакал претставниците на Реал Мадрид да бидат присутни на церемонијата во Париз.
Во Реал Мадрид беа огорчени и навредени што нивниот Бразилец остана само на второто место откако го сметаа за сигурен победник.
