Не се истакнува како главна ѕвезда, но работата си ја врши одлично и тој е еден од клучните играчи на Манчестер сити. Станува збор за шпанскиот играч за врска Родри, кој цела година нема претрпено пораз.
Сити во последните 366 дена губел и со Халанд и со Де Бројне во составот, но не и кога на теренот бил Родри.
Последниот пораз на Манчестер сити во натпреварите во коишто настапи Родри се случи на 5 февруари 2023 година против Тотенхем. Оттогаш Сити со Родри има 42 победи и 11 ремија, а клубот освои пет трофеи. Од овие мечеви, 35 се во Премиер лигата и Родри го држи рекордот на непоразеност.
