Покрај Лигата на Европа, вечерва се одигра последното коло од Конференциската лига на Европа.
Се разбира, треба да се сочека натпреварот меѓу Тотенхем и Рен кој беше откажан откако голем број на фудбалери на англискиот тим испаднаа позитивни на вирусот Ковид-19.
На Тотенхем му е потребна победа за да оди понатаму, додека, Рен со сигурност е првопласиран во групата Г.
Рома, пак ја победи ЦСКА Софија со 3:2 и заврши на првото место во групата Ц, што значи дека момците на Жозе Мурињо ќе играат во осмина-финалето.
Тимовите: Спарта Прага, ПСВ; Лестер, Фенербахче, Олимпик Марсеј, Митјиланд, Селтик и Рапид Виена испаднаа од Лигата на Европа и ќе играат во шеснаестина финалето од третото по ранг натпреварување.
Таму, можни противници ќе им бидат: Макаби Тел Авив, Партизан, Бодо Глимт, Рандерс, Славија Прага, ПАОК, Витесе/Тотенхем, Карабаг.
Во осмина финалето, пак, ќе чекаат: Базе, Рен, Копенхаге, Фејенорд, Аз Алкмар, Рома, Гент, ЛАСК.
Ждребот за елиминациите во ова натпреварување ќе биде во понеделник од 14:00 часот.