Рома оствари сигурна победа од 3-1 против Џенова на „Олимпико“ и се искачи на четвртата позиција на табелата во Серија А со 33 бода, три помалку од лидерот Интер.
Тимот на Џанпјеро Гасперини ја заврши работата за само половина час, постигнувајќи три гола.
Матијас Суле во 14-тата минута искористи една грешка на одбраната на гостите и го отвори резултатот, а Ману Коне само пет минути подоцна зголеми на 2-0.
Третиот гол беше дело на Еван Фергусон во 31-та минута.
Џенова постигна почесен гол во 87-та минута преку Џеф Екатор.
