Иконата на Манчестер јунајтед и сегашен предводник на Дерби каунти, Вејн Руни, се покаја и се извини до семејството и клубот за скандалот кој го предизвика пред неколку дена. Некогашниот англиски напаѓач се најде во непријатна ситуација кога во јавноста се појавија фотографии како тој се забавува со непозната девојка и е под големо дејство на алкохол.
Имаше и обид за изнудување пари, девојката се закануваше дека ќе го проследи материјалот до неговата сопруга Колин, но се случи уште полошо кога фотографиите вирално се раширија на социјалните мрежи.
„Направив грешка. Бев на приватна забава со двајца пријатели. За мене е најважно што сакам да им се извинам на моето семејство и на клубот за фотографиите кои се појавија во јавноста. Би сакал да продолжиме напред и да заборавиме на овој инцидент. Нема потреба да се навлегува во детали, важно е што Дерби ми прости и ми дава шанса да продолжиме со соработката и да му помогнам на клубот да се врати каде што му е местото“, изјави Руни за „Скај спортс“.
