Македонската ракометна репрезентација не успеа да се пласира меѓу најдобрите 12 селекции во светот. Во клучниот меч за влез во главната групна фаза, Македонија загуби од Исланд со 22:24 и заврши на четвртото место во групата.
Овој пласман, носи разигрување на „црвено-жолтите“ за пласман од 13-то до 16-то место. Следен противник на Македонија е Русија, која заврши на четвртото место во групата А. Дуелот ќе се игра на 19-ти јануари во Келн. Со победа над Русија, ќе играме за 13-то или 14-то место, додека пораз ќе значи пласман на 15-то или 16-то место на планетарниот ракометен собир.
