Најдобрата тенисерка во светот, Арина Сабаленка, обезбеди пласман во третото коло на Мастерс турнирот во Синсинати, совладувајќи ја Маркета Вондрушова со 2-0 во сетови (7-5, 6-1).
Белорусинката, која ја брани титулата од минатата година, одигра сигурно и концентрирано, особено во дефанзивниот дел, каде успеа да спаси дури 12 брејк-топки против освојувачката на Вимблдон 2023.
Првиот сет беше неизвесен и пресуден за текот на мечот, додека во вториот Сабаленка целосно ја презеде контролата и рутински го затвори дуелот.
Ова беше нејзин прв настап по полуфиналето на Вимблдон, бидејќи го прескокна турнирот во Монтреал за да се одмори и да се подготви за завршницата на сезоната. Во осминафиналето, Сабаленка ќе се сретне со Британката Ема Радукану, која во второто коло ја елиминираше Србинката Олга Даниловиќ со 6-3, 6-2.
