Хокеарската репрезентација на Соединетите Американски Држави стана олимписки шампион по драматичната победа над Канада со резултат 2:1. Регуларните 60 минути завршија 1:1.
Големите хокеарски ривали се сретнаа во најочекуваното финале на Зимските олимписки игри во Милано/Кортина.
Почетокот на натпреварот беше одличен за Американците, бидејќи Метју Болди постигна гол во шестата минута од првата третина. Тој погодок ги разбуди Канаѓаните, кои во финалето играа без својата најголема ѕвезда Сидни Крозби, повреден за време на турнирот.
Следеше жестока иницијатива на Канада, која израмни во 19. минута од втората третина преку Кејл Макар.
До крајот на мечот Канада беше значително подобар противник, а односот на шутеви по завршувањето на регуларниот дел беше 41:26. Следуваа продолженија, во кои повеќе среќа, но и умешност имаа Американците – Џек Хјуз постигна гол по само 1 минута и 41 секунда игра и им го донесе вредниот трофеј.
Верувале или не, ова е првото злато за американските хокеари уште од Олимписките игри во 1980 година.
Вкупно, за Американците ова е трето олимписко злато во историјата. Претходно го освојуваа во 1960 година во Скво Вели и во 1980 година во Лејк Плесид.
Од друга страна, Канаѓаните остануваат на девет златни олимписки медали, но последниот го освоија во 2014 година во Сочи, што е долг пост за оваа трофејна селекција.
Да потсетиме, бронзениот медал на Олимписките игри во Милано го освои репрезентацијата на Финска, која во мечот за третото место ја победи Словачка.
