Пред само два дена изгледаше дека Баерн Минхен успеал да направи голема работа и да го обезбеди продолжувањето на договорот со Алфонсо Дејвис, но германските медиуми објавуваат дека повторно дојде до голем пресврт. Причината за ова е грешка на раководството на минхенскиот гигант, која значително го налутила агентот на канадскиот репрезентативец.
Сагата околу Алфонсо Дејвис трае со месеци, со оглед на тоа што неговиот актуелен договор со Баерн истекува на крајот од оваа сезона.
Се чинеше дека Дејвис е решен да ја напушти „Алијанц Арена“ следното лето, особено поради сериозниот интерес од Реал Мадрид. Сепак, пред неколку дена, медиумите во Германија објавија дека ситуацијата се променила.
🚨 Alphonso Davies' agent is 'angry' at how Bayern Munich have conducted themselves in negotiations over a new contract and now wants to listen to offers from Manchester United and Real Madrid, with meetings planned for January.
— Transfer News Live (@DeadlineDayLive) December 7, 2024
(Source: Bild) pic.twitter.com/AxYECDd3pC
Претставниците на Баерн успеале да започнат преговори со Дејвис за нов договор и му пренеле дека се подготвени да му понудат значително поголема плата за да остане. Наводно, биле презадоволни од тоа како завршил разговорот.
Само два дена подоцна, дојде до уште еден неочекуван пресврт. Според угледниот „Билд“, агентот на Дејвис е незадоволен од начинот на кој Баерн раководи со преговорите. Тој бил бесен поради тоа што очекувал конкретна понуда веднаш по разговорите, но наместо тоа, клубот во јавноста пуштил приказна дека сè е веќе договорено и дека Дејвис останува.
Конкретна понуда за нов договор сè уште не пристигнала, што го натерало агентот на Дејвис повторно да создаде притисок и сериозно да им се закани на челниците на Баерн.
