Несекојдневна случка на натпревар во италијанскиот град Фоџа го привлече вниманието на многу медиуми. На мечот од деветтата лига помеѓу екипите на Сокер Сторнара и Асколи Сатријано, во игра кај домашниот тим, кој победи со 5-2, влезе напаѓачот Себастијано Посилипо.
Нормално е кога еден тим губи да се обиде со свеж напаѓач, но Сторнара водеше, а господинот Посилипо е претседател на клубот и плус тоа има 72 години. Носи дрес со бројот 51 затоа што е роден во 1951 година.
Сведоците на историскиот настан велат дека Посилипо имал една шанса, но не постигнал гол.
