Мохамед Салах беше херој на Египет во победата над Мароко од 2:1. Првата ѕвезда на Фараоните даде еден гол, а потоа асистираше за победничкиот погодок на Трезеге. Иако даде гол и асистираше, Салах пропушти шанса за уште еден гол или асистенција, откако Египет промаши неверојатна шанса во 120 минута.
Мароко тргна и со голманот во напад на се или ништо, па откако Египет ја освои топката, Салах тргна во напад. Вкупно четворица играчи на Египет а пред нив имаше само еден противнички фудбалер и празен гол.
Салах додаде до соиграчот, а овој се обиде од далеку да ја погоди празната мрежа или да му асистира на Салах. Голгетерот на Ливерпул трчаше за да ја стигне топката, но не успеа, а таа заврши покрај голот.
Чудо е како Египет не даде трет гол, но за среќа тоа немаше посериозни последици за нив, затоа што на крајот сепак победија со 2:1 и се пласираа во полуфиналето на Африканскиот куп на нации.
