Тоа што Андреа како претставничка на Македонија на музичкиот натпревар Евросонг нема големи шанси да се пласира во саботното финале, не е изненадување.
Андреа вечерва треба да настапи во полуфиналето, но традицијата вели дека македонските претставници тешко се пробиваат до финале во последно време. Покрај тоа, Андреа го навлече и гневот на јавноста со потегот со фрлањето на знамето и прашање е дали може да се надева на гласови.
Од 2008 година наваму, само Калиопи со „Црно и бело“ во 2012 и Тамара со „Proud“ во 2019 година стигнале до финалето на Евровизија.
Според обложувалниците, Андреа е најголем аутсајдер во денешното полуфинале, а во вторникот од десетте фаворити за влез во финале, се пласираа седум, што значи дека сепак можно е и некое изненадување.
