Новопромовираниот премиерлигаш Сандерленд го ангажира швајцарскиот репрезентативец Гранит Џака.
Искусниот играч за врска потпиша тригодишен договор, а Сандерленд ќе му плати на Баер Леверкузен 15 милиони евра, плус уште 5 милиони во форма на бонуси.
Џака се враќа во Премиер лигата по двегодишна пауза, откако со Баер Леверкузен освои и титула и Куп на Германија.
Пред германската авантура, тој беше клучен играч на Арсенал во период од седум и пол години.
Фудбалскиот пат на Џака започна во швајцарски Базел, а настапуваше и за Борусија Менхенгладбах во Бундеслигата.
Гранит Џака во Сандерленд ќе го носи својот омилен број „34“.
