Вистинска навивачка лудница беше денеска во Истанбул, каде што Галатасарај го престави Лерој Сане. Досегашниот фудбалер на Баерн Минхен реши да си замине од германскиот гигант, и тоа како слободен играч, за да потпише со турскиот првак.
За тоа каква еуфорија владееше во Истанбул, покажува и фактот дека дури 1,5 милиони луѓе го следеле неговиот лет кон Истанбул. Сане во Галатасарај потпиша тригодишен договор, а ќе заработува вистинско богатство, односно вкупно 36 милиони евра. Тоа значи дека Сане годишно ќе добива по 12 милиони евра по сезона.
Интересно е дека во Галатасарај веќе се зборува за ново големо засилување. Се работи за голманот кој го доби приматот за најдобар во светот во изборот на ФИФА, Емилијано Мартинес.
🚨 Galatasaray want to sign Aston Villa goalkeeper Emi Martínez.
Negotiations are ongoing between the clubs and the goalkeeper is keen on joining Galatasaray.
(Source: @_samiyenhaber) pic.twitter.com/EebKqBuWuJ
— Transfer News Live (@DeadlineDayLive) June 12, 2025
Аргентинскиот голман имаше одлична сезона и во Астон вила. Најавите се дека Мартинес се согласил да направи трансфер во Галатасарај, само сега е потребна потврда и од англискиот премиерлигаш.
