Екипите на Њујорк никс, Минесота тимбервулфс, Бостон селтикс и Индијана пејсерс водат со по 3-1 во своите серии од НБА-плејофот и се наоѓаат на чекор од пласман во следната фаза.
Никс на контроверзен начин победија во Детрроит со 94-93. Во последата секунда Тим Хардавеј упати шут за три поени и притоа беше фаулиран, но судиите молчеа и не му доделија слободни фрлања, по кои резултатот веројатно ќе беше поинаков.
Did the pistons get robbed? No call on Tim Hardaway’s final shot of the game.
This is called a foul 99% of the time. #NYvsDET pic.twitter.com/LwwVLmBSdV
— Benchwarmer Sports (@bwsportsmemes) April 27, 2025
Минесота предводена од Ентони Едвардс, кој даде 43 поени, од кои 16 во последните 12 минути, со одлична последна четвртина направи пресврт и го совлада ЛА лејкерс со 116-113 и сега Леброн Џејмс и Лука Дончиќ, кои заедно уфрлија 65 поени, се на прагот на елиминација.
Бостон со 107-98 славеше во Орландо, Џејсон Тејтум беше лидер на Селтикс со 37 поени и 14 скока и тука веројатно приказната ќе заврши на следниот меч.
Индијана со 129-103 победи во Милвоки, а на Бакс им се повреди Демиен Лилард и сега се во многу тешка ситуација. Ѕверското забивање на Мајлс Тарнер преку Јанис Адетокумбо најдобро ја отсликува доминацијата на Пејсерс против Елените.
MYLES TURNER THROWS IT DOWN ON GIANNIS 😳 pic.twitter.com/vvDUt5fH3B
— Bleacher Report (@BleacherReport) April 28, 2025
