Репрезентацијата на Канада по пауза од 36 години обезбеди место на завршница на Светско првенство, но фудбалерите на оваа земја не се задоволни. Во пресрет на подготвителниот меч против Панама, репрезентативците одбија да тренираат во знак на револт поради неисплатените премии кои требаше да ги добијат за пласман на Мундијалот во Катар.
Фудбалерите веќе неколку месеци чекаат да дознаат колкава ќе им биде премијата што успеаа да се пласираат на планетарниот собир, а челниците од Федерацијата засега молчат.
Vancouver! Let’s paint the city red! 🔴
Don’t miss your last chance to see #CANMNT before the @FIFAWorldCup!
🎫 June 5 + 9 tickets available NOW.
👉 https://t.co/tziSvmJNKL#WeCAN pic.twitter.com/o1Yzhwocgx— Canada Soccer (@CanadaSoccerEN) June 2, 2022
Првично на фудбалерите им било понудено да поделат 10 отсто од 10 милиони долари кои ги добија за пласманот на СП, но играчите сметаат дека оваа сума е премала и бараат 40 отсто од сумата да биде поделена на 33 фудбалери кои беа дел од националниот состав.
Фудбалерите барале и повеќе влезници за нивните семејства, за мечевите на Мундијалот во Катар. Од Федерацијата им се обезбедени само по две влезници за секој фудбалер.
Засега договор нема, па нема ни тренинг на националниот тим.
