Париз вечерва ќе биде домаќин на церемонијата на која ќе биде прогласен најдобриот фудбалер во светот. Традиционално „Франс Фудбал“ ја доделува највредната индивидуална награда во светот на фудбалот, а се чини дека победникот уште сега се знае.
Ламин Јамал е името на фудбалерот кое е на врвот на листата која се појави на социјалните мрежи. Според списокот кој циркулира, Јамал е најдобар освојувајќи 805 бода, пред Усман Дембеле, кој е веднаш зад шпанскиот тинејџер со освоени 800 бода.
Потоа на листата следуваат: Витиња, Рафиња, Салах, Нуњо Мендес, Педри, Дуе, Мбапе и Мартинес, кој ја затвора листата во Топ 10.
Se filtró la presunta lista del Balón de Oro 2025. Lamine Yamal sería el ganador, Dembelé segundo y Vitinha tercero.
¿Opiniones? pic.twitter.com/CJkXSq4MFc
— Pablo Giralt (@giraltpablo) September 21, 2025
Оваа листа се појави откако главниот и одговорен уредник на „Франс фудбал“, Винсент Гарсија, се пофали дека само тој го знае освојувачот на Златната топка.
„Јас сум единствениот кој знае во чии раце ќе заврши Златната топка оваа година. Критериумите за освојување на наградата се: индивидуален настап, одлучувачки и врвни настапи, освоени трофеи, ферплеј игра, како и однесувањето на теренот, но и надвор од него“, рече Гарсија.
Сите дилеми околу добитникот на Златната топка ќе бидат решени вечерва, но јасно е дека главната борба се води меѓу Јамал и Дембеле.
